Kangaatsiami Inunnik Isumaginnittoqarfik Innarluutillit Pillugit Tapersersortinut Ataqatigiissaarisuujutigaluni sullissisumik pissarsiorpoq

Kommune Qeqertalik Kangaatsiami Sullissivik Inunnik Isumaginnittoqarfiup Innarluutillit Pillugit Tapersersortinut Ataqatigiissaarisuujutigaluni sullissisumik pissarsiorpoq 01. August 2018 imaluunniit isumaqatigiissuteqarnikkut sulilersussamik. 
Qinnuteqarfissaq:
23. juli 2018
Sumi:
Kangaatsiaq
Ulloq aallartiffik:
1. august 2018
Akissarsiat:
Isumaqatigiissutit malillugit
Innarluutillit Pillugit Tapersersortinut Ataqatigiissaarisuujutigaluni innarluutilinnik sullissisup ulluinnarni qaninnertut qullersarissavaa Isumaginnittoqarfimmi Immikkoortortami Aqutsisoq.

Suliassat akisussaaffiillu:
•    Innarluutilinnut tapersersortaasut pillugit immikkoortortaqarfimmi nunaqarfiillu allaffiini
     ajornartorsiutaasut pillugit suleqatinut aqqutissiuineq siunnersuinerlu.
•    Innarluutilinnut tunngasuni immikkoortortaqarfimmi Aqutsisoq, Sullissisoq kiisalu Angerlarsimaffimmi
     Ikiorti taavalu pisariaqartitsinikkut isumaginnittoqarfimmi Sullissisut peqatigalugit ataatsimooqatigiinni
     ataatsimiittuni peqataaneq.
•    Pisariaqalissappat (pingaartumik inunnik isumaginnittoqarfik minnerutillugu) Innarluutilinnut
     tunngasuni Sullissisoq kiisalu Angerlarsimaffimmi Ikiortinut Aqutsisoq
     pisariaqartitsinikkut paarlattarlugu.
•    Innarluutilinnut Tapersersortaasunut ikorfartortitut tapersersortaasutullu inissisimaneq, tamatuma
     ataani sulisunut sulianut sulisullu ilinniarsimassusaat kiisalu inuttut ineriartorneq.
•    Kommunimi innarluutilinnut tunngasutigut Tapersersortaasut allat peqatigalugit oqarasuaatikkut
     allatigullu attaveqaatitigut ataatsimiinneranni peqataaneq, taavalu Qitiusumik Inunnik
     Isumaginnermut Ingerlatsivimmi sulisut immikkut ilisimasallit ataatsimiinneranni.
•    Suleqatigiit ikinnerat peqqutigalugu sulianik allanik suliaqarsinnaaneq piareersimaffigineqassaaq.
     Socialvagt-eqarnissaq piumasaqaataavoq.


Piginnaasat:
•    Marluinnik oqaasilik (kalaallisut/qallunaatut).
•    Siunnersortimut ilinniarsimasoq, HK- allafimmiutut ilinniarsimasoq.
•    Peqqinnissamut ikiortitut isumaginninnermiluunnit ikiortitut perorsaasutulluunniit ilinniagalik.
•    Innarluutilinnik sullissinermut isumaginninnermilu inatsisilerinermut pikkorissarsimasoq,
     pikkorissarusussusilillunnit.
•    Inunnik isumaginnermi sulinermik misilittagalik.
•    Sapinngisamik ataqatigiissaarinermi sulinermik misilittagalik, sulianik tulleriaarillaqqissoq.
•    Sullitanut attaveqarluarsinnaasoq, attavigiuminartorlu.
•    Eqqarsartaatsikkut nukittuujuneq, misigissutsinillu paasinnissinnaaneq.
•    Attaveqarsinnaanermut piginnaasaqarneq, tamakkiisumillu isiginnissinnaaneq.
•    Tatiginartoq, ataqqinnittoq maligassiuilluartorlu.

Aningaasarsiaqartitaanermi atorfeqarnermilu atugassarititaasut:

Atorfininnermi atugassarititaasut Naalakkersuisut kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.

Atorfimmut atatillugu inissaqartitsisoqanngilaq.

Nammaginartumik pinerlussimannginnermut uppernarsaat aamma meeqqanik pinerliisi-mannginnermik uppernarsaat atorfininnissamut piumasaqaataavoq. Taakku atorfinittussap atsiorluni akuerinerata kingorna atorfinititsisussamit Naalagaaffiup politiivinut (Rigspolitiet) pissarsiarineqassapput.

Atorfimmut tunngatillugu annertunerusumik paasisaqartoqarsinnaavoq Team leder Benedikte A. Jeremiassen oqarasuaat 387121-mut saaffiginninnikkut imaluunnit e-mail: benj@qeqertalik.gl saaffiginnilluni pissarisiarineqarsinnaapput.

Qinnuteqaat ilinniarsimaneq suliffigisimasallu pillugit paasissutissat, ilinniarsimanermut up-pernarsaat il.il. ilanngullugit Sulisoqarnermut Immikkoortortaqarfimmut kingusinnerpaamik 23. juli 2018  tunniunneqareersimassapput, uungalu nassiuteqquneqarput:

Kommune Qeqertalik,
Sullissivik Kangaatsiaq
Postboks 80
3955 Kangaatsiaq



Imaluunnit qarasaasiakkut: E-mail: kangaatsiaq@qeqertalik.gl