Qeqertarsuarmi suliassaqarfimmi INUIT aqutsisussarsiorneq

Kommune Qeqertalik nutaamik allaffissornikkut innuttaasut sumiiffinni, kulturikkut aamma sullinneqarnermikkut pisariaqartitaat aallaavigalugit pilersinneqarpoq.


Qinnuteqarfissaq:
15. juli 2018
Sumi:
Qeqertarsuaq
Ulloq aallartiffik:
1. august 2018
Akissarsiat:
Isumaqatigiissutit malillugit

Suliassaqarfimmik INUIT naqqaniit nutaamik ilusilersuinissamut sapiutinngilatit? 

Innuttaasunik sullissinerup pitsanngorsarneqarneranut sullisseqataarusuppit aamma sulisunik aqutsineq misilittagaqarfigaajuk assigiinngiiaartunillu suliaqarneq soqutigalugulu sungiusimaviuk? Taava atorfik una ilinnut tulluuppoq.

Qeqertarsuarmi suliassaqarfimmi INUIT aqutsisussamik 1. august 2018 imaluunniit isumaqatigiissuteqarnikkut sulilertussamik pissarsiorpoq.

Suliassaqarfimmi INUIT-niipput isumaginnittoqarfik, meeqqerivik, atuarfik, innarluutillit, utoqqaat illuat aamma ilaqutariit illuat.

Qeqertarsuarmi sulliviit pisortaat qaninnertut pisortarissavat.


Suliassaqarfiit akisussaaffiillu ilaatigut makkuupput:
•    Suliassaqarfik INUIT-ni ataqatigiissaarineq aqutsinerlu
•    Suliassaqarfik INUIT-nit innuttaasut sullinneqarnerisa ataqatigiissarnissaannut
     pitsanngorsarnissaanullu isumaginnittoqarfik, meeqqerivik, atuarfik, innarluutillit,
     utoqqaat illuat aamma ilaqutariit illuat qanimut suleqatigalugit aaqqissuussineq
•    Suliassaqarfimmi nutaamik suleqatigiittussanik ilusilersuineq
•    Suliassaqarfinnik allanik qanimut suleqateqarneq


Piginnaasat:
•    Akisussaaffimmut attuumassutilimmik qaffasissumik ilinniarsimaneq
•    Sulisunik aqutsinermut ilinniarsimaneq misilittagaqarnerluunniit
•    Sulianik assigiinngitsunik ataatsikkut ingerlataqarsinnaaneq
•    Suleqatigiuminartoq
•    Aalajaatsoq
•    Suleqatinut kaammattuisinnaallunilu siunnersuisinnaasoq
•    Ulapaarfimmi imminut aqussinnaasoq
•    Sullitanit suleqatinillu saaffigiuminartoq

Akissaatit atorfininnermilu atugassarititaasut:
Atorfininnermi atugassarititaasut Naalakkersuisut kattuffiullu isumaqatigiinniarsinnaa-titaasup akornanni isumaqatigiissut atuuttoq naapertorlugu atorfinitsitaaneq pissaaq.

Atorfimmut atatillugu inissaqartitsisoqarpoq inatsisit atuuttut naapertorlugit.
Naammaginartumik pinerlussimannginnermut uppernarsaat aamma meeqqanik pinerliisimannginnermik uppernarsaat atorfininnissamut piumasaqaataavoq. Taakku atorfinittussap atsiorluni akuersinerata kingorna atorfinitsitsisussamiit Naalagaaffiup politiivinut (Rigspolitiet) pissarsiarineqassapput.
Atorfik pillugu paasissutissat allat Qeqertarsuarmi Sullivinni pisortamut Benedikte Mølgaardimut oqarasuaat 38 72 06 imaluunniit e-mail benm@qeqertalik.gl atorlugu saaffiginninnikkut piniarneqarsinnaapput.

Qinnuteqaat ilinniarsimanermut allagartat, siornatigut atorfigisimasamut uppernarsaatit, kiisalu soraarummeersimanermut uppernarsaatit assilineqarneri ilanngullugit tunniunneqarsimassaaq sulisoqarnermut immikkoortortaqarfimmut kingusinnerpaamik
15. juli 2018, uunga nassiunneqassapput:


Kommune Qeqerttalik
Att. HR- afdelingen
Postboks 513
3953 Qeqertarsuaq



Imaluunniit email: qeqertarsuaq@qeqertalik.gl