Kommune Qeqertalik Kangaatsiaq  meeqqanut inuuusuttuaqqanut ilaqutaasunullu sullissisumik sulisussarsiorpoq

Kommune Qeqertalik Kangaatsiaq meeqqanut inuusuttuaqqanut ilaqutaasunullu sullissisumik sulisusarsiorpoq 1. august 2018 imaluunniit isumaqatigiissuteqarnikkut sulilersussamik
Qinnuteqarfissaq:
20. juli 2018
Sumi:
Kangaatsiaq
Ulloq aallartiffik:
16. august 2017
Akissarsiat:
Isumaqatigiissutit malillugit
Inunnik isumaginnittoqarfinni meeqqanut inuusuttuaqqanut/ilaqutaariinnullu sullissisut, ikiorsiisarnermilu sullissisut allat suleqatigissavatit.
Inunnik Isumaginnittoqarfimmi Aqutsisoq qaninnertut qullersarineqassalluni.

Suliassat akisussaaffiillu
•    Meeqqat qanoq inuuneqarnersut kommunimi nakkutigalugit, ikiorsiinissarlu pisariaqartillugu
     nalunaarnissaq, (sumiginnaasoqartillugu imaluunniit innarluutilinnut) imaluunniit
     naartusoq ikiortariaqartillugu. Annertunerusumik ilaqutariit ulorianartorsiortut pillugit
     annertusisamik nalunaartussaatitaaneq, tassani meeraq ikiortariaqartillugu
     nalunaartarnissat pineqarlutik.
•    Saaffiginnissutinik tigooraaneq meeqqat inuusuttuaqqat ilaqutariillu pillugit
     siunnersuisarnerit ingerlallugit.
•    Illup iluani avataanilu suliffeqarfiit akimorlugit suleqatit suleqatigalugit meeqqat pillugit
     immikkoortortaqarfimmi misissuinerit.
•    Sulisunut pisortaq suleqatigalugu meeqqanut inuusuttuaqqanullu ikiorsiisarnermi
     peqqussutit tunngavigalugit ikiorsiinissamut nalilersuineq, taassuma ataani
     tapersersortinik pisariaqartitsisoqarnersoq, angerlarsimaffiup avataanut inissiisoqassanersoq
     imaluunniit kinguneqartitsisoqassanersoq nalilersorlugu.
•    Pilersaarusiorluni, suleqatigiit ataatsimiinnerini meeqqanut iliuusissanik innersuussinerit,
     isumaginninnermi pisortaq suleqatigalugu suliffeqarfiit akimorlugit ataatsimiititaliamut
     innersuussinerit.
     Isumaginninnermut pisortaq suleqatigalugu isumaginninnermut ataatsimiititaliamut innersuussinerit.
•    Kommunimi meeqqanik ilaqutariinnut inissinneqarsimasumik nakkutilliineq, taassuma
     ataani angajoqqaarsianut akulikitsumik attaveqartarneq, sapinngisamillu angajoqqaanut
     ilaquttanullu attaveqartarneri nakkutigalugit.
•    Meeqqanik ulloq unnuarlu paaqqinnittarfinnut imaluunniit kommunip avataani efterskolertunut
     inissinneqarsimasunut nakkutilliineq sullissisutullu inissisimaneq, taassuma ataani meeqqanut
     angajoqqaajusut ilaqutaasullu attavigalugit.
•    Angerlarsimaffiup avataanut inissiineq unitsinneqarpat suliniutinik aallartitsineq,
     (kinguneqartitsineq) taamaalilluni meeqqap inuusuttuaqqalluunniit siunissaa
     aaqqissorneqarniassammat.
•    Meeqqanut peqqussutit tunngavigalugit aalajangerneqarsimasut, ikiorsiissutitut
     aningaasatigut tapersersorneqarnerit isumaginnittoqarfimmi aningaasatigut nakkutilliisoq
     suleqatigalugu nakkutilliinerit.
•    Isumaginnittoqarfimmi aningaasatigut nakkutilliisoq suleqatigalugu angajoqqaat akiliutaat
     ingerlanneqarnersut nakkutigalugit aammalu akiliuteqannginnissamut innersuussinerit suliaralugit.
•    Meeqqat kinguaassiutitigut kanngutsaatsuliorfigineqannginnissaannut suliniarnermut suleqataaneq.
•    Nunaqarfinni meeqqanut sullissisunut oqaloqatiginnittartutut inissisimaneq.
•    Sumiiffimmi isumaginninnermi pingaartartunut suleqataaneq.

Piginnaasat kissaatigineqartut
•    Isumaginninnermi Siunnersortitut, HK-assistentitut imaluunniit rådgivningsassistentitut
     ilinniarsimanissaq.
•    Suliamut tunngassutilinnut pikkorissarnissamut piumassuseqarneq soqutiginninnerlu aammalu
     ilinniaqqissinnaanerit suliamut attuumassutillit.
•    Meeqqanut tunngatillugu sullissinermik misilittagalik ilanngullugit meeqqanut inuusuttunullu
     ikiorsiinermut peqqussut malillugu ikiorsiisarnermik suliaqartarsimanerit takussutissallit.
•    Suleqatinik aqutsisunillu suleqatiginnilluarsinnaaneq.
•    Isumaginnittoqarfimmi sullissisutut sullissinermi aaqqissuussaanikkut aqutsinikkullu
     aaliangersakkanik malinnissinnaaneq suleqatinillu suleqateqarluarsinnaaneq.
•    Suleqatinik avataaneersunik pitsaasumik suleqateqarnermut misilittagaqarneq, suleqatigiit
     ataatsimiinnerini, suliaqarfiit akimorlugit ataatsimiinnerni imaluunniit immikkoortortaqarfiit akimorlugit
     sullissinermi.
•    Maligassiuisoq, sullitanut attaveqatiginninnermut pikkorissoq.
•    Akerleriinnernik aqutsisinnaaneq.
•    Tulleriiaarluakkamik sulisinnaaneq, tatiginartoq akisussaassuseqartorlu.
•    Aalajaatsoq peqqissaartorlu


Piffissaq qaninnerusoq isigalugu meeqqanik ilaqutariinnillu sullissinerup pitsaanerusunngortinnissaa, taassuma ataani misissuinerni ikiorsiissutinillu naleqquttunik meeqqat pillugit peqqussutit tunngavigalugit nassaarniarnermi pitsanngorsaanerit.
Piffissaq ungasinnerusoq isigalugu meeqqat pisariaqartitaannik pisinnaatitaaffiannillu inuiaqatigiinnit annertuunerusumik paasineqarnissaannik suliaqarneq, kiisalu angajoqqaat susassaqarfiinik pisussaaffiinillu.

Akissarsiaqartitsineq atorfinitsitsinerlu

Akissarsiat atorfinitsitaaneralu isumaqatigiissutit atuuttuusut malillugit aalajangersarneqassapput.
Atorfimmut atatillugu inissaqartitsisoqarpoq, taannalu akilerneqartassaaq qularnaveeqqusiinermut akiliutissamut il. il. malittarisassat atuuttut naapertorlugit.
 
Pisortatigoortumik pinerlussimannginnermut uppernarsaat (Straffeattest)  meeqqanillu pinerliisimannginnermut uppersarsaat (Børneattest)  naammaginartut tunngavigalugit atorfinitsitaaneq pissaaq, taakkulu qinnuteqartup akuersineratigut Rigspolitiinut sulisitsisumiit aaneqassapput.
Atorfimmut tunngatillugu annertunerusumik paasisaqartoqarsinnaavoq immikoortoqarfimmi Team leder Benedikte A. Jeremiassen telefon 387121–mut saaffiginninnikkut imaluunnut e-mail:
benj@qeqertalik.gl  

Qinnuteqarfissaq kingulleq

Qinnuteqaat ilinniarsimaneq suliffigisimasallu pillugit paasissutissat, ilinniarsimanermut uppernarsaatit il.il. ilanngullugit Sulisoqarnermut Immikkoortortamut kingusinnerpaamik 20. juli 2018.

Qinnuteqaat uunga nassiunneqassaaq:

Kommune Qeqertalik Kangaatsiaq
Postboks 80
3955  Kangaatsiaq


imaluunniit e-mailikkut: kangaatsiaq@qeqertalik.gl