Pitsaaliuinermi Siunnersorti

Kommune Qeqertalik Qasigiannguani Pitsaaliuinermut siunnersortitut atorfik 1. juni 2018 imaluunniit isumaqatigiinnikkulluunniit atorfinittussamik.
Qinnuteqarfissaq:
15. maj 2018
Sumi:
Qasigiannguit
Ulloq aallartiffik:
1. juni 2018
Akissarsiat:
Tjenestemanditut atorfimmut assigusutut. Aningaasat tapiliutigineqartarput qaammammut kr. 3.000,00
Pinaveersaartitsinermi siunnersortitut atorfimmut atatillugu makku suliassaqarfiussapput:
•    Illoqarfimmik nunaqarfinnilu pinaveersaartitsinermi suliaqarnermi suliat assigiinngitsut ataqatigiissaarnissaat
•    Kommunip pinaveersaartitsinermi politikkiata atuutsinnissaanut malittarinissaanullu akisussaasuuneq
•    Illoqarfimmi nunaqarfiinilu pinaveersaartitsinermi sammisassanut pilersaarusiornermi inissititerinermut akisussaaqataane
•    Nukiit pigineqareertut ataqatigiissaarnissaat
•    Pinaveersaartitsinermi suliniutissanik tigussaasunik aallartitsineq
•    Atuarfinni paaqqinnittarfinnilu tigussaasunik paasititsiniaanermi suliaqarneq
•    Pinaveersaartitsinermi sammisaqartitsinernut peqatigiiffiit nammineq kajumissutiminnik suleqataarusuttut suleqatiginissaat
•    Najukkami suliniutinut nalilersuinerup malittarinninnerullu akisussaaffiginissaat
•    Pinaveersaartitsinermi ataatsimiititaliami sulianut ataqatigiissaarisuuneq allatsiuneq
•    Kalaallit Nunaanni pinaveersaartitsinermi suliqarnermut atatillugu nalilersuinermi peqataaneq

Piukkunnaatitit:
Pinaveersaartitsinermi suliaqarnermik soqutiginnittuussaatit, kommunimilu pinaveersaartitsinermi suliniarnerup siuarsarnissaanut peqataanissannut piumassuseqarlutit.

Isumaginninnerup peqqinnissallu iluani tunngaviusumik ilinniagaqarsimassaatit imaluunniit allamik naleqquttumik ilinniagaqarsimassallutit.

Aammattaaq illit:
•    Inuttut ammasuussaatit, sumiiffimmilu raatiukkut tv-kkullu paasissutissiinnaanermut piginnaasaqarlutit
•    Isumassarsiortitsisinnaallutit
•    Tamakkiisumik isiginnissinnaallutit
•    Suleqatigiinnermut piginnaasaqarluarlutit
•    Illoqarfimmi nunaqarfiinilu 4-ini suliat ataqatigiissaarsinnaallugit
•    Marluinnik oqaaseqaartuullutit
•    Pilersaarusiornermi sulianullu malittarinninnermi misilittagaqarsimallutit
•    Sungiussiasuullutit
•    Politikerinut pinaveersaartitsinermi suliniutinut erseqqissumik saqqummiussisinnaallutit

Atorfinitsitsineq akissarsiaqartitsinerlu:
Atorfik nalilerneqarsimavoq tjenestemanditut atorfimmut assigusutut. Aningaasat tapiliutigineqartarput qaammammut kr. 3.000,00.

Atorfimmut atatillugu inissaqartitsisoqarpoq.

Nammaginartumik pinerlussimannginnermut uppernarsaat aamma meeqqanik pinerliisi-mannginnermik uppernarsaat atorfininnissamut piumasaqaataavoq. Taakku atorfinittussap atsiorluni akuerinerata kingorna atorfinititsisussamit Naalagaaffiup politiivinut (Rigspolitiet) pissarsiarineqas-sapput.
Paasissutissat annertunerusut Inunnik Isumaginnittoqarfimmi aqutsisoq Rakel Geisler Grønvold-imut pissarsiarineqarsinnaapput  email:  ragg@qeqertalik.gl  imaluunnit oqarasuaat 91 46 14.
Qinnuteqaat ilinniarsimanermut allagartat, siorngatigut atorfigisimasamut uppernarsaatit, kiisalu soraarummeersimanermut uppernarsaatit assilineqarneri ilanngullugit tunniunneqarsimassaaq sulisoqarnermut immikkoortortaqarfimmut kingusinnerpaamik 15. maj 2018, uunga nassiunneqassapput.:

Kommune Qeqertalik Qasigiannguit
Sulisoqarnermut Immikkoortortaqarfik
Postboks 113
3951 Qasigiannguit
Imaluunniit e-mail-ikkut: qasigiannguit@qeqertalik.gl