Kangaatsiap atuarfiani nunaqarfiinilu ilinniartitsisussassarsiorput

Qinnuteqarfissaq:
14. maj 2018
Sumi:
Kangaatsiaq
Ulloq aallartiffik:
1. august 2018
Akissarsiat:
Isumaqatigiissutit malillugit
Kommune Qeqertalik Kangaatsiaq, Kangaatsiap atuarfiani ilinniartitsisussassarsiorpugut fysik/kemimi atuartitsisinnaasumik IT-millu atuarfitsinni ingerlatsisinnaasumik 1. August 2018 atorfinittussamik.
Kiisalu Kangaatsiap atuarfiata ataani atuarfiit Atuarfik Kristian Lundblad Niaqornaarsuk aamma Attup atuarfia pisortassarsiorpagut ilinniartitsisussarsiorlugillu 1. august 2018-mi atorfinitsinneqartussanik.

Paasissutissat annertunerusut ukununnga saaffiginnilluni pineqarsinnaapput:

Atuarfiup Pisortaanera Sussi Adelholm tlf: +299 87 21 42 / 87 21 38
Qinnuteqaat kingusinnerpaamik ataasinngorneq 14. maj 2018 nassiunneqassooq ukununnga: E-mail: suad@qeqertalik.gl  allakkatigulluuniit: Kangaatsiap Atuarfia, Postboks 560, 3955 Kangaatsiaq.

Atorfinitsitaanneq pissaaq Kalaallit Nunaanni Naalakkersuisut aamma Ilinniartitsisut Meeqqat Atuarfianneersut Kattuffiata, IMAK-ip isumaqatigiissutaat naapertorlugu. Qinnuteqartut, Kalaallit Nunaanni tjenestemand-itut atorfillit, atorfinitsitinneqarnerminni pigiinnassuaat.

Akissaatit- atorfinitsitaanermillu pissutsit, taakkununnga ilaallutik atorfininnermi angalaneq pequtaanillu tikisitsinermi pisinnaatitaaffiat pissooq Kalaallit Nunaanni Naalakkersuisut aamma Ilinniartitsisut Meeqqat Atuarfianneersut Kattuffiata, IMAK-ip isumaqatigiissutaat tunngavigalugu.

Atorfinitsitaaneq aamma pisinnaavoq ”Ukiunut aalajangersimasunut immikkut atugassaqartitaalluni” Kalaallit Nunaanni Namminersorlutik Oqartussat aamma IMAK-ip isumaqatigiissutaat naapertorlugu, aammattaaq 1. april 1991-imi tunngaviusumik ukiumut 18. 000 kr-nik aningaasartaliivigineqarsimasut, 1. April 2017 19.818,29 kr-nngorsimasut, tunuarnermi tunniunneqartarlutik, kiisalu atorfeqartumut ilaqutaanullu ukiukkaartumik sulinngiffeqarnermi angalanermi akiliunneqartarlutik.

Inissaqartitsisoqassooq, maleruagassallu naapertorlugit akiliisarneq pissooq.

Inatsisit malillugit piumasaqaataavoq, meeqqanik pinerlissimannginnermi- aamma pinerlissimannginnermi uppernarsaammik aallertoqarnissaa.

Qinnuteqaat makkuninnga paasissutissanik imaqassooq: Ilinniagaqarnermut uppernarsaat, siusinnerusukkut suliffigisimasat, soraarummeersimanermi uppernarsaatit il.il., qinnuteqarfissap killissarititaa tikitsinnagu Kangaatsiap Atuarfianeeriissapput.

Qinnuteqarnermi immersugassaq atorniarukku uunga piniarsinnaavat aamo@qeqertalik.gl