Inuttassarsiuuteqqitaq - Kangaatsiami Teknikeri / nunaminertalerisoq

Kangaatsiap Inoqarfiani atorfik ataaseq inuttaqanngitsuutigaarput, taannalu Kangaatsiap sullissiviani inisisimavoq.
Kommunimi nutaami, Kommune Qeqertalik-mmi, 1. juni 2018-imi atorfimmi pilersinneqartumi sulilissaatit.
Teknikeri/ nunaminertalerisoq ataaseq ujartorparput.
Qinnuteqarfissaq:
15. maj 2018
Sumi:
Kangaatsiaq
Ulloq aallartiffik:
1. juni 2018
Akissarsiat:
Isumaqatigiissutit malillugit

Teknikeri / nunaminertalerisoq ataaseq.

Kangaatsip sullissiviani Inoqarfik teknikeritut / nunaminertalerisutut atorfik ataaseq 01. juni 2018-imi imaluunniit isumaqatigiissuteqarnikkut inuttalerneqarusuppoq.

Kangaatsiap sullissiviani immikkoortortaqarfiit allat kiisalu kommunip qullersaqarfia suleqatigalugit illit teknikeritut/ nunaminertalerisutut Kangaatsiami taassumalu nunaqarfiini – Attumi, Iginnniarfimmi, Ikerasaarsunni aamma Niaqornaarsunni kiisalu nunap immikkoortuani tassani nunaannarmi apeqqutit teknikkimut aamma nunaminertalerinut tunngasut ulluinnarni suliarisassavatit.

Teknikeritut/ nunaminertalerisutut suleqatigiinni ukunani suleqataassaatit: ingerlatsinermut akisussaasoq ataaseq, allaffimmiut kiisalu pisortat assigiinngitsut illoqarfiup nunaqarfiillu ingerlanneqarnerini suliaqartartut.

Ilinniakkat aallaavigalugu pisortaq qitiusoqarfimmiittoq attaveqarfigisassavat aamma ulluinnarni pisortat qaninneq tassaassaaq ingerlatsinermut akisussaasoq.

Suliat aamma akisussaaffiit:

Suliat teknikkimut tunngasut (sanaartornissamut akuersissutit/ illut atorneqarsinnaanerinut akuersissutit/ kommunip aamma illut/ inissiat attartortittakkat nakkutigineri), INI-mit nussornerit pillugit sullissineq kiisalu kommunip pilersaarutaani Kangaatsiamut taassumalu nunaqarfiinut – Attumut, Iginniarfimmut, Ikerasaarsummut aamma Niaqornaarsummut kiisalu nunaannarmut – aalajangersakkat atuuttut naapertorlugit nunaminertamik atuisinnaanermut piffissami aalajangersimasumi aamma atuuttuartussat akuersissusiornerit.

Piginnaasat kissaatigineqartut:

Pitsaasumik innuttaasunik sullissinnaaneq.
Qiimasoq, sulianik naammassinnikkusussuseqartoq eqaatsumillu suleriaaseqartoq.
Attaveqallaqqissoq.
Pisortat suliffeqarfiutaanni imaluunniit suliffeqarfimmi ingerlatsinermik sanaartornermillu suliaqartumi suliaqarnermik misilittagaqartoq.
Kalaallit Nunaanni pissutsinik aamma Kalaallit Nunaanni suliaqarfiummut inatsisit attuumassuteqartunik ilisimasaqartoq.
Office pakken, MAP-info, AutoCad imaluunniit alla GIS-program aamma Winformatik atorsinnaassavatit.
Teknikkeritut imaluunniit sanaartornerup iluani assigusumik ilinniagaqarneq.
Danskisut kalaallisut ajornanngippallu tuluit oqaasiinik atuisinnaanissat iluaqutaassaaq.

Atorfimmut ilitsersuunneqarneq:

Atorfimmut pitsaasumik peqqissaartumillu ilitsersuunneqarnissat isumagissavarput, taamaalillutit suliassatit tigujartuaarsinaalissavatit.
Suliffeqarfimmi suliaqarfiit assigiinngitsut suleqatigisarnissaat sillimaffigissagit pingaartuuvoq kiisalu kulturit marluusut avatangiiseralugit suleqataanissat sillimaffigissavat, avatangiisini taakkunani piginnaasaqarluartuunissavat assiganik inuttut piginnaasatit pingaartinneqarneri assingiisinneqarput.
Kulturimik inunnillu paasinnittartuuneq, pissutsit immikkuullarissut inuiaqatigiinni oqaatsinik marlunnik atuiffiusuni atuuttut uani ilanngullugit paasilluartarnissaat ilaavoq.

Akissarsiat aamma atorfinititsineq:

Isumaqatigiissutit atuuttut naapertorlugit atorfinititsisoqassaaq aamma akissaateqartitsisoqassaaq. Atorfik inissaqartitsivoq, soorlu aamma atorfininnermi soraanermilu angalanerit pisattallu angallanneqarneri malittarisassat atuuttut malillugit atorfinititsisoq akiliisussaassasoq.
Atorfik 1. juni 2018-imi isumaqatigiisuteqarnikkulluunniit inuttalerneqarusuppoq.

Atorfik una pinerluuteqarsimannginnermik uppernarsaammik piumasaqaatitaqarpoq aammalu børneattest, uppernarsaat taanna sulisitsisup qinnuteqartoq atorfinitsinneqartussatut inassutigineqareerpat akuersissummik pissarsiffigeriarlugu naalagaaffiup politiivinut piumassavaa.
Atorfik pillugu paasissutsisat amerlanerit ingerlatsinermut akisussaasumut Karen T. Jessen-imut, oqarasuaat +299 87 21 25-imut imaluunniit mailikkut ktj@qeqertalik.gl –mut saaffiginnilluni pissarsiarineqarsinnaapput.

Atorfiup, teknikkeritut/ nunaminertalerisutut, ilinniagaqarnermik piumasaqaatitai pillugit paasissutissat oqarasuaat 70 19 00-mut saaffiginnilluni pissarsiarineqarsinnaapput aamma INI-mit nussornerit pillugit ingerlatsinermut akisussaasumut Karen T. Jessen-imut oqarasuaat 872125 saaffiginnilluni pissarsiarineqarsinnaapput. Kommunip nittartagaa http://www.qeqertalik.gl kommuni pillugu paasissutissat amerlanerit atuarniarlugit aamma atuarsinnaavat. Kommunip pilersaarusiornera nittartakkami uani itinerusumik aamma atuarsinnaavat: http://qeqertalik.plania.gl

Qinnuteqaat ilinniagaq siusinnerusukkullu suliffigisimasat paasissutissartaanik ilalerlugu, ilinniakkap naammassinerata assinganik il.il. ilalerlugu aamma oqaaseqaatitalerlugu mailimut uunga nassiuteqquneqarpoq:  Karen T. Jessen kjt@qeqertalik.gl

Qinnuteqaatit kingusinnerpaamik tallimanngornermi 15-05-2018-imi tiguneqariissapput.
Qinnuteqaatit allakkatigut nassiunneqartut najukkamut uunga nassiunneqassasut kissaataavoq: 


Kommune Qeqertalik Kangaatsiaq
Inoqarfik
Att: Karen T. Jessen
Postboks 80
3955  Kangaatsiaq.