Atuarfimmi pisortaq

Siunissami meeqqat inuusuttullu ilinniagaqalernissaannut tunngaviliinissamut qulakkeerinneqataanissamut peqataarusuppit? Ullut ingerlaartut suliatigut assigiinngitsunik unammillernartunik sammisaqarfiusut iluarisarpigit?Allanngueqataanermilu peqataarusuppit?
Qinnuteqarfissaq:
12. marts 2018
Sumi:
Aasiaat
Ulloq aallartiffik:
1. april 2018
Akissarsiat:
Isumaqatigiissutit malillugit
Aasianni Gammeqarfimmi atuarfiup pisortaatut atorfik inuttassarsiorneqarpoq aprilip aallaqqaataani 2018 –imi aallartittussamik imaluunniit isumaqatigiissusiornikkut.
Gammeqarfik atuarfiuvoq pigiliussinissamik atugarissaarnissamillu pingaartitsisoq, ineriartortitsineq suliassaavoq pingaarnerpaaq, iluaniippoq peqataatitsineq, tassa atuarfik atuartunut pitsaanerpaaq pilersinneqassammat. Gammeqarfiup aamma angajoqqaanik suleqateqarluarnissaq pingaartittorujussuuaa anguniakkat anguniarneqarnerini. Gammeqarfik 400–it sinnilaarlugit atuartoqarpoq, ilinniartitsisunik ilinniarsimasunik 50-t sinnilaarlugit sulisoqarluni.  Pisortap nunaqarfinni atuarfeqarfiit akisussaaffigissavai. Nunaqarfiiit pineqartut tassaapput: Kitsissuarsuit, Akunnaaq aamma Ikamiut.

Qinnuteqartumut naatsorsuutigineqarpoq:
-    Ilinniartitsisutut ilinniagaqartuunissat
-    Atuarfimmik aqutsinermik misilittagaqarnissaq
-    Ineriartortitsinissamik angusarissaarnissamillu pingartitsisoq,
     eqeersimaartoq uummaarissorlu

Akissarsiat atorfininnermilu atugassarititaasut Naalakkersuisut Ilinniartitsisut Meeqqat Atuarfianeersut Kattuffiata IMAK-illu akornanni isumaqatigiissut atuuttoq 27. august 2014 –meersoq kiisalu Isumaqatigiissut pingaarneq / Hovedaftale 28. oktober 1998 –meersoq Naalakkersuisut Ilinniartitsisut Meeqqat Atuarfianneersut Kattuffiat, IMAK –illu isumaqatigiissutaat atuuttoq naapertorlugu.

Atorfimmut atasumik inissaqartitsisoqarpoq malittarisassat qaqugumulluunniit atuuttut malillugit akiliisoqartassaaq.

Atorfininnermi atugassarititaasut allat soorlu atorfininnermi angalaneq pisattallu angallaneri akiliunneqassapput, atorfininnermi Namminersorlutik Oqartussat Ilinniartitsisut Meeqqat Atuarfianneersut Kattuffiat, IMAK-ip akornanni isumaqatigiissutaasut atuuttut naapertorlugit.

Qinnuteqartut Kalaallit Nunaanni tjenestemanditut atorfimminngaanneersut taama atorfeqartitaanertik attatiinnassavaat.
Meeqqanik pinerluuteqarsimannginnermut uppernarsaat:
Atorfik una meeqqanik pinerluuteqarsimannginnermik uppernarsaammik aallernissamik inatsisitigut piumasaqaatigineqarmat.  
Taamaammat maluginiaqquarput atorfininnissaq ullulerneqarsinnaammat aatsaat Naalagaffiup politiivinit meeqqanik pinerluuteqarsimannginnermik naammaginartumik imalimmik kommuni tigusaqarpat.  

Pinerluuteqarsimannginnermut uppernarsaat:
Atorfik una pinerluuteqarsimannginnermik uppernarsaammik aallernissamik inatsisitigut piumasaqaatitaqarmat. Inatsit naapertorlugu atorfininneq aatsaat aallartissaaq politiinit pinerluuteqarsimannginnermut uppernarsaammik naammaginartumik kommuni tigusaqarpat.

Atorfik pillugu paasissutissanik pissarsisoqarsinnaavoq Sara J. Brandt- mut
Gammeqarfimmi atuarfiup pisortaanera, Gammeqarfimmut saaffigininnikkut oqarasuaat +299 89 47 52

Qinnuteqaat kingusinnerpaamik nassiunneqassaaq,ulloq Martsip 12-ani 2018 Kommune Qeqertalimmut, postboks 220, 3950 Aasiaat imlt.e-mail: K2-konsulenter@qeqertalik.gl